बिल बैंकको पहिलो त्रैमास : स्थिर नाफा र बलियो वित्तीय सूचक

काठमाडौं । नबिल बैंकले चालु आर्थिक वर्ष २०८२/८३ को पहिलो त्रैमास (साउन–असोज)सम्मको वित्तीय विवरण सार्वजनिक गरेको छ। प्रकाशित विवरणअनुसार बैंकको नाफा अघिल्लो वर्षको तुलनामा घटेको देखिएको छ।

चालु वर्षको पहिलो तीन महिनामा नबिल बैंकले १ अर्ब ७५ करोड ६९ लाख रुपैयाँ नाफा आर्जन गरेको छ। अघिल्लो आर्थिक वर्षको सोही अवधिमा बैंकले २ अर्ब ५ करोड ६५ लाख रुपैयाँ नाफा कमाएको थियो। यस आधारमा बैंकको नाफा १४.५७ प्रतिशतले घटेको हो।

तर, बैंकको लाभांश वितरण क्षमता भने वृद्धि भएको छ। चालु वर्षको प्रथम त्रैमाससम्म बैंकले ३०.१५ प्रतिशत लाभांश वितरण गर्न सक्ने क्षमता बनाएको छ, जुन अघिल्लो वर्षको यही अवधिको २०.९६ प्रतिशत भन्दा उच्च हो।

सञ्चालन मुनाफा र ब्याज आम्दानी दुवै घटे

समीक्षा अवधिसम्म बैंकको सञ्चालन मुनाफा २ अर्ब ५७ करोड ९८ लाख रुपैयाँ पुगेको छ। अघिल्लो वर्ष यही अवधिमा उक्त मुनाफा २ अर्ब ८९ करोड ३४ लाख रुपैयाँ थियो, जसअनुसार १०.८४ प्रतिशतले कमी आएको हो।

त्यस्तै, बैंकले असोज मसान्तसम्म ३ अर्ब ९० करोड १२ लाख रुपैयाँ ब्याज आम्दानी गरेको छ, जुन अघिल्लो वर्षको ४ अर्ब १४ करोड २ लाख रुपैयाँ भन्दा ५.७७ प्रतिशतले घटेको हो।

रिजर्भ र निक्षेपमा वृद्धि

बैंकको चुक्तापूँजी २७ अर्ब ५ करोड ६९ लाख रुपैयाँ रहेको छ। समीक्षा अवधिसम्म रिटेन्ड अर्निङ ५ अर्ब ६३ करोड ५२ लाख रुपैयाँ र रिजर्भ ३२ अर्ब ४३ करोड ९८ लाख रुपैयाँ पुगेको छ। अघिल्लो वर्ष असार मसान्तसम्म रिटेन्ड अर्निङ ४ अर्ब ७७ करोड ३० लाख र रिजर्भ ३१ अर्ब ९० करोड ९५ लाख रुपैयाँ थियो।

बैंकले हालसम्म ५ खर्ब ५६ अर्ब ६१ करोड रुपैयाँ निक्षेप संकलन गरी ४ खर्ब २१ अर्ब २ करोड रुपैयाँ कर्जा लगानी गरेको छ। अघिल्लो वर्ष असार मसान्तसम्म निक्षेप ५ खर्ब २४ अर्ब ६२ करोड र कर्जा ४ खर्ब १२ अर्ब ७९ करोड रुपैयाँ थियो।

एनपीएल घट्यो, ईपीएस पनि कम

नबिल बैंकको खराब कर्जा अनुपात (NPL) घटेर ०.९७ प्रतिशतमा आएको छ, जुन अघिल्लो वर्षको १.४२ प्रतिशत भन्दा सुधारिएको हो।

तर, बैंकको वार्षिकीकृत प्रतिशेयर आम्दानी (EPS) भने घटेर २५.४९ रुपैयाँ पुगेको छ। अघिल्लो वर्ष यही अवधिमा EPS २९.८३ रुपैयाँ थियो।
बैंकको P/E अनुपात १९.९७ गुणा र प्रतिशेयर नेटवर्थ २४०.७२ रुपैयाँ कायम भएको छ।