काठमाडौं । प्रधानमन्त्री बालेन्द्र (बालेन) शाहले सुनसरी–४ बाट निर्वाचित सांसद दीपककुमार साहलाई नयाँ उद्योगमन्त्री नियुक्त गर्न राष्ट्रपतिसमक्ष सिफारिस गरेका छन्।
उद्योगमन्त्री गौरीकुमारी यादवले राजीनामा दिएपछि रिक्त रहेको पदमा प्रधानमन्त्री शाहले साहको नाम सिफारिस गरेका हुन्।
साह निर्वाचनअघि राष्ट्रिय स्वतन्त्र पार्टी (रास्वपा)मा प्रवेश गरेका थिए। यसअघि उनी सीके राउत नेतृत्वको जनमत पार्टीमा आबद्ध थिए। जनमत पार्टीबाट निष्काशनमा परेपछि उनले आफ्नै राजनीतिक दल गठन गरेका थिए।
रास्वपामा प्रवेश गरेपछि साहले पार्टीको तर्फबाट सुनसरी–४ बाट प्रतिनिधिसभा निर्वाचनमा प्रतिस्पर्धा गरेका थिए।
२५ भदौ २०८३, बिहिबार ०४:१९ मा प्रकाशित
