विकास बैंकहरूले साउनमा करिब ८० करोड नाफा कमाए, ५ को बढ्यो नाफा, ३ को घट्यो

विकास बैंकहरूकाे प्रदर्शनमा मिश्रित परिणाम देखिएको छ। चालु आर्थिक वर्ष २०८२/८३ को पहिलो महिनामा राष्ट्रियस्तरका ८ विकास बैंकहरूले संयुक्त रूपमा ७९ करोड ९१ लाख रुपैयाँ नाफा आर्जन गरेका छन्। यो अघिल्लो वर्षको साउनमा कमाएको ७४ करोड २७ लाख रुपैयाँको तुलनामा करिब ७.६० प्रतिशतले बढी हो।

नेपाल राष्ट्र बैंकले सार्वजनिक गरेको तथ्यांकअनुसार, ८ बैंकमध्ये ५ वटा बैंकले नाफा बढाएका छन् भने ३ वटाको नाफा घटेको छ।

नाफा आर्जनमा मुक्तिनाथ अग्रस्थानमा, वृद्धिमा लुम्बिनी अगाडि

• मुक्तिनाथ विकास बैंकले सबैभन्दा धेरै १५ करोड ७२ लाख रुपैयाँ नाफा कमाए तापनि अघिल्लो वर्षको तुलनामा नाफा ७.२८% घटेको हो।

• गरिमा विकास बैंक दोस्रो स्थानमा रहँदै १३ करोड ३९ लाख रुपैयाँ नाफा कमायो, जुन अघिल्लो वर्षको तुलनामा ४१.५९% बढी हो।

• लुम्बिनी विकास बैंकले उल्लेखनीय प्रगति गर्दै ११ करोड ८ लाख रुपैयाँ नाफा आर्जन गर्‍यो, जुन अघिल्लो वर्षको तुलनामा २०५.२३% ले वृद्धि भएको हो।

अन्य बैंकहरूको प्रदर्शन

• कामना सेवा विकास बैंकको नाफा ९.२१% ले बढेर ९ करोड ३७ लाख रुपैयाँमा पुगेको छ।

• ज्योति विकास बैंकको नाफा ४.५५% ले बढेर ८ करोड ७५ लाख रुपैयाँ पुगेको छ।

• शाइन रेसुंगा विकास बैंकको नाफा १३.२३% ले घटेर ८ करोड ५६ लाख रुपैयाँमा झरेको छ।

• सांग्रिला डेभलपमेन्ट बैंकले ६ करोड ९५ लाख नाफा कमायो, २.१३% को सानो वृद्धि देखियो।

• महालक्ष्मी विकास बैंकको नाफा ४३२.६९% ले घटेर ६ करोड ६ लाखमा सीमित रह्यो।

विकास बैंकहरूको नाफा र वृद्धिदर (साउन २०८२/८३)