सुनचाँदीको मूल्यमा सामान्य वृद्धि, तोलामा ६ सयले महँगियो सुन

नेपाल सुनचाँदी व्यवसायी महासंघका अनुसार बुधबार प्रतितोला रु २ लाख ३७ हजार २ सय मा कारोबार भएको छापावाल सुन आज रु २ लाख ३७ हजार ८ सय पुगेको हो। अर्थात्, एकैदिनमा सुनको मूल्य ६ सय रुपैयाँले वृद्धि भएको हो।

त्यस्तै, चाँदीको मूल्य पनि बढेको छ। बुधबार प्रतितोला रु २ हजार ९ सय ९० मा कारोबार भएको चाँदी आज रु ३ हजार १० पुगेको छ।

बजार विश्लेषकका अनुसार पछिल्लो समय अन्तर्राष्ट्रिय बजारमा सुनको मूल्य बढ्दो क्रममा रहेकाले यसको प्रभाव नेपाली बजारमा समेत देखिएको हो।