काठमाडौँ । नेपाली बजारमा बुधबार सुनको मूल्यमा सामान्य गिरावट देखिएको छ भने चाँदीको मूल्य भने बढेको छ । नेपाल सुनचाँदी व्यवसायी महासंघका अनुसार बुधबार छापावाल सुन प्रतितोला २ लाख ६७ हजार ७०० रुपैयाँमा कारोबार भएको छ, जुन अघिल्लो दिनको तुलनामा केही कम हो । यसअघि छापावाल सुन तोलामा २ लाख ६८ हजार १०० रुपैयाँमा कायम थियो ।
यता चाँदीको मूल्य भने वृद्धि भएर बुधबार प्रतितोला ४ हजार ९३५ रुपैयाँ पुगेको छ, जबकि अघिल्लो दिन चाँदी ४ हजार ८८० रुपैयाँमा कारोबार भएको थियो । अन्तर्राष्ट्रिय बजारको उतारचढाव र स्थानीय माग–आपूर्तिको प्रभावका कारण सुनमा हल्का गिरावट र चाँदीमा वृद्धि देखिएको व्यवसायीहरूको भनाइ छ ।
२३ पुस २०८२, बुधबार ११:३२ मा प्रकाशित
