धनगढी। कैलालीसहित सुदूरपश्चिमका विभिन्न भूभागमा भइरहेको वर्षा आगामी तीन दिनसम्म जारी रहने भएको छ। .
जल तथा मौसम विज्ञान कार्यालय अत्तरियाका अनुसार आजदेखि भदौ २४ गतेसम्म प्रदेशका हिमाली, पहाडी तथा तराईका अधिकांश भूभागमा मौसम बदली भई मध्यमदेखि भारी वर्षाको सम्भावना छ।
कार्यालय प्रमुख इन्जिनियर सञ्जयकुमार साहका अनुसार आज पहाडी र तराईका केही स्थानमा मेघगर्जन र चट्याङसहित भारी वर्षाको अनुमान गरिएको छ।
आज राति पनि हिमाली क्षेत्रका थोरै र पहाड तथा तराईका केही स्थानमा मध्यम वर्षा हुनुका साथै एक-दुई स्थानमा भारी वर्षा हुनसक्ने भएकाले आवश्यक सतर्कता अपनाउन आग्रह गरिएको छ।
मङ्गलबार वर्षाको दायरा केही घटे पनि मौसम पूर्णरूपमा नखुल्ने मौसम विज्ञान कार्यालयले जनाएको छ।
मंगलबार हिमाली तथा पहाडी क्षेत्रका धेरैजसो र तराईका केही स्थानमा मेघगर्जनसहित मध्यम वर्षा हुने र राति तीनै भूभागका थोरै स्थानमा वर्षा कायम रहने पूर्वानुमान छ।
